За подготовка на овој рецепт се потребни помалку од 60 минути

1. Кременадлите посолете ги и наросете ги со мелен црн пипер, а потоа истолчете ги со дрвен чук од двете страни.
2. Ставете ги кременадлите да се пржат во длабока тава со загреано масло. Превртувајте ги од двете страни сè додека не добијат убава боја.
3. Во друга тава на оган пропржете го исечканиот кромид и ставете го заедно во тавата со кременадлите.
4. Зачинете со мајчина душичка и ситно сечкан магдонос, а потоа налејте околу 2 децилитри вода, покријте ја тавата и оставете да се динста половина час. Превртувајте ги кременадлите.
5. На парчињата зелка отстранете им ги кочаните, а потоа ситно исечкајте ја.
6. Ситно исечканата зелка ставете ја да се пропржи во тава со масло и додајте ја сланината исечкана на коцки. Посолете и наросете мелен црн пипер, а потоа гответе додека зелката не омекне и додајте павлака. Промешајте и тргнете настрана.
7. На оган ставете тенџере со околу половина литар вода и ставете ја пилешката коцка за супа да се вари.
8. Готовите кременадли извадете ги во чинија настрана, а во тавата каде што се динстаа додајте ја супата со оцетот и убаво промешајте.
9. Во тава на оган растопете го путерот и пропржете го брашното, а потоа бешамелот додајте го во првата тава заедно со супата.
10. Послужете ги кременадлите со зелката и прелијте ги со приготвениот сос. Како додаток може да послужите и варени компири.