За овој рецепт се потребни помалку од 90 минути

1. Двете брашна се мешаат и се просејуваат.
2. Одделно се дроби квасецот, се додава шеќерот и млако млеко, се меша, се посипува со малку брашно и се остава да стаса на топло место.
3. Во просеаното брашно се остава вдлабнатина, се посолува, се става стасаниот квасец, помешаните павлака и млеко, рум, шеќер, жолчки и рендана кора од лимон.
4. Се замесува меко тесто колку да се појават меурчиња, се посипува со малку брашно и се остава да нарасне околу 40тина минути.
5. Потоа тоа тесто се става на површина посипана со брашно и се рассукува до дебелина на еден прст. Со калап или чаша се вадат крофни, се редат и се оставаат да нараснат уште малку.
6. Во поголема количина загреан зејтин се ставаат крофните, садот се поклопува и така се пржат неколку минути. Потоа садот се отвара за да поруменат.
7. Кога ќе бидат готови се посипуваат со шеќер во прав или ванилин шеќер.