Овој рецепт се подготвува за помалку од 40 минути

1. Компирот го сечеме на коцки и го ставаме во тенџере да се вари.
2. Потоа на парчиња го сечеме коренот од пашканат, а на кругови морковот, па ги ставаме да се варат во друго тенџере на оган.
3. На оган ставаме тава и во неа путер да се растопи. Потоа во тавата го додаваме спанаќот, го посолуваме и го зачинуваме со мелен црн пипер. И водата од двете тенџериња ја посолуваме и тенџерињата ги покриваме со капак.
4. За време на пржењето спанаќот го промешуваме, а варениот зеленчук од двете тенџериња го цедиме низ цедалка.
5. Испржениот спанаќ и сварениот зеленчук ги ставаме во блендер и ги блендираме.
6. Добиената смеса ја ставаме во поголем длабок сад. Додаваме путер и промешуваме. Потоа додаваме жолчка, 3 лажици брашно и рендано морско оревче.
7. Во садот ги додаваме преостанатата жолчка изматена со белките и лебните трошки за смесата да ја добие потребната густина за формирање крокети.
8. Крокетите ги формираме со раце, ги валкаме во изматените јајца, па во лебните трошки и ги редиме на чинија.
9. На оган ставаме тава и во неа масло за јадење. На загреаното масло ги ставаме крокетите да се пржат. Испржените крокети ги вадиме од тавата и ги редиме на чинија обложена со хартија за да ја впие мрснотијата.