За овој рецепт се потребни помалку од 60 минути

1. Загрејте ја рерната на 200 степени.
2. Исечкајте ја сланината и пропржете ја на умерен оган околу 8-10 минути од двете страни додека да стане крцкава. Ставајте ги пржените парчиња врз салфетка да се исцедат од вишокот маснотија.
3. Во тавата пропржете ги и сечканите целер, праз и печурки околу 10 минути додека да омекнат. Додајте ја зеленчуковата супа и чекајте да зоврие, па зачинете со сечкан магдонос и темјан.
4. Во друг голем сад измешајте го лебот исечен на коцки, додајте ја супата, потопете го, па измешајте ја и сланината. Зачинете со сол и бибер. Додајте ги матените јајца и добро измешајте.
5. Претурете ја смесата во намастен калап за куглов колач, притиснете ја добро одозгора со лажица и печете во загреаната рерна околу 30 минути или додека да добие златнокафена боја околу краевите.
6. Исечете го колачот на парчиња и послужете го малку подоладен.