За подготовка на овој рецепт се потребни помалку од 40 минути

1. Внимателно измијте го спанаќот, фрлете ги сите дршки и исечкајте го на не многу ситни парчиња.
2. Во тенџере стопете го путерот и пропржете го ситно сечканиот кромид, колку да омекне, а не да пожолте.
3. Додајте го спанаќот во кромидот и заедно динстајте ги околу 5 минути со повремено мешање.
4. Потоа во нив додајте ја супата, зачинете со сол, бибер, рендано морско оревче, сок од лимон и лорберов лист.
5. Оставете ја супата да зоврие, па поклопете го тенџерето со капак и варете ја 20-тина минути на тивок оган.
6. Извадете го лорберовиот лист, супата испасирајте ја, вратете ја во тенџере, па на рингла оставете да врие уште 2-3 минути.
7. Откако супата ќе се подолади, ставете ја во фрижидер.
8. Парчињата леб исечете ги на коцкички и испржете ги.
9. Пред послужување, измешајте во супата кисела павлака, а коцкичките леб ставете ги на средина од супата.