За подготовка на овој рецепт се потребни помалку од 60 минути

1. Ситно исечканиот кромид се пржи во масло.
2. Во тавата со кромид се додаваат исечканите шампињони и лукот, па сè заедно се пржи околу 10 минути, односно додека испари течноста. Потоа се додава месото и се пржи уште 5 минути.
3. Во испржената смеса се додаваат сол и зачини, па се додава доматниот сос. Се остава да врие уште 5 минути.
4. Во друга тава се топи путерот, откако ќе се стопи се додава брашното и се пржи додека зарумени. Со постојано мешање постепено се додава млекото и половина лажичка сол. Бешамел сосот се меша додека се згусне.
5. Лазањите се редат во плех премачкан со путер и тоа ред лазањи, па ред од филот со печурки и месо и на крај се става од бешамел сосот. Се повторува постапката сè додека има кори. Одозгора се става бешамел и се прекрива со исечени листови кашкавал.
6. Се пече во загреана рерна на 200 степени, околу 30 минути.