За овој рецепт се потребни помалку од 60 минути

1. Се меша брашното со печивото.
2.  Јајцата се матат во друг сад, се додаваат 6 лажици шеќер, па 6 лажици брашно и какаото. По желба може да се додадат и сечкани ореви.
3. Тестото се пече во рерна на 220 степени околу 10 минути, па се намалува на 170 степени и се допекува уште отприлика 30 минути.
4. Настрана се мати еден маргарин со 200 г шеќер во прав.
5. Прашокот за пудинг се меша со 18 лажици шеќер и 18 лажици млеко. Се става остатокот од 1 литар млеко во сад да почне да врие, па прашокот се додава во него.
6. Откако ќе се направи пудингот, се додава маргаринот.
7. Се загреваат 200-300 мл вода. Откако ќе почне да врие, се додаваат 200 г шеќер, ванилиниот шеќер и сокот од лимонот. Шербетот се остава да врие додека малку не се згусне.
8. Во сад на рингла се става 1 лажица масло и двете чоколади. Се додава лажица шеќер и малку млеко. Се меша и се остава на рингла додека се растопи чоколадото.
9. Откако ќе се испече тестото, се потура со топлиот шербет, одозгора се филува со смесата од пудинг и на крај глазурата од топено чоколадо.
10. Се остава во фрижидер да се стегне, па се сече на коцки.