За овој рецепт се потребни помалку од 40 минути

1. На парчињата лосос отстранете им ја кожата.
2. Во тенџере на оган со околу половина литар вода ставете ја коцката за супа да се свари, па ставете ја кожата од лосос.
3. Додајте во тенџерето и 1 главица сечкан кромид, листови и корен од целер, 1 морков, мајчина душичка, сечкан магдонос и неколку ловорови листови. Притиснете ги состојките со црпалка за време на варењето за да бидат прекриени со вода.
4. Тиквичката излупете ја и измијте ја со ладна вода. Исечкајте ја на тенки, долгнавести парчиња и ставете ја во друго тенџере со вода на оган. Додајте ги и компирите исечкани на долгнавести парчиња, како и останатиот морков.
5. Во тава пропржете ја другата главица исечкан кромид и откако ќе омекне додајте го доматното пире. Промешајте и низ цедалка во тавата додајте од супата во која се вареше зеленчукот. Додајте го и исцедениот сок од лимон, сол и бибер.
6. Во друга тава пропржете ги парчињата лосос кои претходно ги посоливте и извалкавте во брашно од двете страни.
7. Сварениот зеленчук сервирајте го на чинија, а врз него послужете го пржениот лосос и прелијте со сосот.