За овој рецепт се потребни помалку од 45 минути

1. Во 300 грама брашно (помешано со печивото) измешајте 100 грама маргарин.
2. Направете вдлабнатина во средината и додајте 100 грама шеќер, 1 јајце и кисела павлака и замесете тесто.
3. Тестото расукајте го во четири тенки еднакви листови (со дебелина од 2 мм).
4. Листовите печете ги во тепсија на 200°C околу 15 минути, па оставете ги да се оладат.
5. Во меѓувреме подгответе го кремот: 200 грама шеќер ставете го во тенџере и пржете го на умерен оган додека не добие темножолта боја. Мешајте постојано.
6. Добиениот карамел прелијте го со млекото и кратко гответе додека не се растопи карамелот.
7. Потоа додајте 60 грама брашно и гответе додека смесата не се згусне. Оставете да се излади.
8. Остатокот од маргаринот (150 грама) изматете го пенасто со миксер заедно со 100 грама шеќер и со какаото и помешајте ги со претходната смеса.
9. Добиената крема поделете ја на три дела и со неа премачкајте ги листовите тесто, па ставете ги еден врз друг. Нежно притиснете со раце и прелијте со чоколадна глазура.
10. Кога ќе се исуши глазурата, пресечете го колачот на плочки и послужете го.