За овој рецепт се потребни помалку од 60 минути

1. Загрејте ја рерната на 190 степени.
2. Во тава на умерен оган загрејте масло и пропржете ги сечканиот кромид, пиперката и морковите (морковите може и рендани). Гответе ги додека малку омекнат, околу 7-10 минути.
3. Потоа додајте ги сечканите печурки и гответе додека да испуштат течност, околу 5 минути.
4. Зачинете со оригано, лук во прав, црвен пипер и буковец.
5. Додајте го свежиот исечкан спанаќ и гответе додека течноста од спанаќот се апсорбира. Тргнете од оган.
6. Во друг поголем сад со виљушка изматете ги сирењето (може и урда), јајцата и ренданиот кашкавал, па додајте ги кај зеленчуците.
7. Смесата претурете ја во намастени калапи за мафини и печете ги во веќе загреаната рерна околу 25-30 минути.
8. Пред сервирање, оставете ги малку да се оладат, па послужете ги со ајвар и сирење.