За овој рецепт се потребни помалку од 30 минути

1. Со миксер се матат 8 белки со 8 лажици шеќер и ванилиниот шеќер, па потоа се додаваат брашното, 1/2 лажица рум, 125 г маргарин (стопен и оладен) и се меша со лажица да се соедини смесата.
2. Калапите за мафини се мачкаат со маргарин и се полнат со смесата. Со лажица се става и по една вишна од компот (претходно потопени во рум).
3. Мафините се печат во загреана рерна на 170 степени, околу 15 минути.
4. Фил: жолчките се варат на пареа со шеќерот во прав и со чоколадото. Откако ќе се изладат, се матат со 1/2 пакување маргарин.
5. Печените мафини се премачкуваат со филот од чоколадо, а по желба се украсуваат со шлаг и со чоколадни трошки.