За подготовка на овој рецепт се потребни помалку од 20 минути

1. На даска за сечење исечете го козјото сирење на парчиња со дебелина од 2 сантиметри. Потоа со калап извадете тркалезни форми и ставете во тава за печење.
2. Попрскајте масло врз сирењето и тавата и наросете оригано. Ставете ја тавата во рерна и печете 10тина минути на 200°C.
3. Од кришките леб со калапот извадете тркалезни форми и ставете ги во рерна да се потпечат.
4. Доматот ситно се сечка на коцки и се става во сад настрана.
5. Извадете ги лепчињата и сирењето од рерна и ставете ги прво лепчињата на чинија за сервирање а врз нив запеченото сирење и декорирајте со коцки домат, оригано и магдонос.