За овој рецепт се потребни помалку од 60 минути

1. Прво подгответе го карамелот: во сад на шпорет ставете да се стопи 5-6 лажици шеќер со малку вода, додека да добиете карамел. Оставете да се излади во садот во кој ќе го печете млечникот.
2. За тоа време изматете ги јајцата со 8 лажици шеќер, додека добиете кремаста смеса. Додајте ги млекото и ванилата и промешајте.
3. Во садот над карамелот распоредете ја смесата со јајца и млеко, па ставете го овој сад во друг сад со вода (да биде до половина на садот со млечник) и во загреана рерна на 220-250 степени печете го млечникот 35-40 минути. Сервирајте го откако ќе се олади.