За овој рецепт се потребни помалку од 40 минути

1. Модрите патлиџани се сечат на тркалца, но не се лупат.
2. Во тенџере се ставаат маслото, оцетот, солта и шеќерот, па се ставаат на рингла да провријат. Тоа е саламурата.
3. Од сечканите модри патлиџани се ставаат 5-6 парчиња во саламурата, се оставаат 5 минути да провријат, па се вадат настрана.
4. Постапката се повторува со сите сечкани парчиња.
5. Кога сите парчиња ќе се сварат, се редат во поголема чинија, па се додаваат магдоносот и сечканиот лук. Одозгора се става по малку од саламурата.

*Рецептот може да се користи и за зимница: постапката на приготвување на модрите патлиџани е иста, само што сварените модри патлиџани се редат во тегла, се става по малку магдонос и лук, по малку од саламурата за да бидат сочни, па се затвораат теглите и се провриваат.