За овој рецепт се потребни помалку од 60 минути

1. Пилешкото не го сечкајте многу ситно. Зачинете го со вегета, а брокулата исечкајте ја на парчиња и попарете ја со врела вода.
2. Направете сос така што на малку масло ќе го запржите сечканиот кромид. Кога убаво ќе омекне, додајте 2-3 лажици брашно, запржете уште малку, па налејте топла вода колку да се добие не многу густа смеса.
3. Сосот проварете го околу 3-4 минути. Во малку изладениот сос додајте 4 лажици павлака и вегета по желба.
4. Огноотпорниот сад намачкајте го со масло и прво наредете еден слој брокула, па пилешко месо и на крај од сосот. Постапката повторете ја уште еднаш. На крајот завршете со брокула и сос.
5. Покријте го садот со капак и ставете го да се пече во загреана рерна на 200 степени околу 40 минути.