За овој рецепт се потребни помалку од 35 минути

1. Во тенџере со 1 л вода сварете ја коцката за супа.
2. Во тава на оган загрејте го маслото и пржете го кромидот со 1/2 лажица црвен пипер, сол и бибер по вкус додека убаво да омекне, околу 5 минути.
3. Оризот измијте го и исцедете го, па ставете го во тавата и пржете го 5-10 минути убаво да се запржи. Мешајте повремено да не се залепи на тавата. Додајте и половина од сечканиот магдонос.
4. Откако и оризот ќе се пропржи, во тавата налејте околу 2 кутлачи од сварената супа и белото вино.
5. Зачинете повторно со останатиот црвен пипер и со сол и бибер и варете го оризот. По потреба додавајте уште супа.
6. При крајот додајте го останатиот сечкан магдонос и сечканите маринирани шампињони од тегла и убаво промешајте, па гответе уште 5 минути да впијат сите вкусови.