За овој рецепт се потребни помалку од 90 минути

1. Во сад измешајте 2 јајца со малку сол и матете ги со виљушка или миксер. Брашното (100 г) измешајте го со 1,5 децилитар млеко, па додајте ги кај јајцата. Изматете ја повторно смесата за да нема грутки и пржете палачинки од двете страни.
2. Бешамел сосот подгответе го со тоа што ќе растопите во тенџере 50 г путер и на него ќе пропржите 50 грама брашно многу кратко, со постојано мешање. Додајте 1/2 литар млеко и гответе на умерен оган додека смесата се згусне.
3. Потоа додајте 2 децилитри кисела павлака и 200 грама рендано сирење (употребете посуво сирење) и повторно промешајте, па гответе додека ја добиете посакуваната густина на сосот. Може по желба да додадете и малку лукче и бибер.
4. Печурките измијте ги и посипете ги со сокот од лимон; исечкајте ги и пржете ги во тава со 30 г путер. Додајте сол по вкус.
5. Бешамел сосот измешајте го со печурките и со 30 г кашкавал или пармезан.
6. Филувајте ги палачинките со готовиот фил од печурки и сос, поклопете ги добро, наредете ги во огноотпорен сад со хартија за печење, посипете уште кашкавал и печурки по желба и печете ги на 170 степени, половина час.