За овој рецепт се потребни помалку од 50 минути

1. Јајцата измешајте ги со брашното, млекото, солта и биберот и матете ја смесата убаво да се изедначи.
2. Од смесата пржете палачинки во намастена тава на вообичаен начин.
3. Зеленчукот сварете го во зовриена вода додека омекне, исечкајте го, а потоа во една тава на оган со загреано масло кратко пропржете го заедно со исечканите ароматични зачини (рузмарин, жалфија, нане) и мешајте кратко само колку да пушти мирис.
4. Половина од кашкавалот исечкајте го на коцки и додајте го со зеленчукот; остатокот од кашкавалот изрендајте го на крупната страна од рендето.
5. Филувајте ги палачинките со смесата од кашкавал и зеленчук, затворете ги, наредете ги во тава, додајте го одозгора изренданиот кашкавал и печете ги во претходно загреана рерна на 200 степени, околу 5 минути.