За овој рецепт се потребни помалку од 60 минути

1. Телешкото месо се сече на шницли, се толчат, се посолуваат и се пржат во тава на врело масло од двете страни додека не добијат убава црвена боја.
2. Потоа испржените шницли се редат на чинија, се покриваат и се ставаат на пареа.
3. Врз преостанатото масло се додава ситно сечкан кромид, малку се пропржува и се додава ситно исечкана кора од лимон и малку сок од лимон.
4. Во 200 милилитри павлака се разматуваат 2 јајца, 1 лажица сенф, се посолува и ова се додава во тавчето каде што се пржи кромидот.
5. Шницлите ги редиме во сад за печење и се посипуваат со вака подготвениот прелив. Печеме на умерена температура половина час.