За овој рецепт се потребни помалку од 60 минути

1. Компирите се лупат и се сечкаат, па се варат во зовриена вода со лажичка сол.
2. Откако ќе се сварат компирите, се истура водата и се миксираат додека се жешки. Се оставаат да се оладат.
3. Во изладените компири се додаваат брашното, јајцата, маслото и вегетата. Смесата убаво се меси додека да се добие компактна маса.
4. Фил: кромидот ситно се сечка и се пропржува во тавче на оган. Откако ќе зарумени, се додаваат меленото месо, биберот и вегетата и се пржи.
5. Откако месото убаво ќе се испржи, се трга од оган, се додава сечкан магдонос, се меша и се остава да се излади.
6. Во правоаголен сад претходно намачкан со масло се става половина од смесата со компири, одозгора се става фил од месо, па се покрива со уште еден слој компири.
7. Се пече додека убаво зарумени, па се вади питата од садот и се сече. Се служи со свежа зеленчукова салата.