За овој рецепт се потребни помалку од 50 минути

1. Тесто: се мешаат брашното, ренданата кора од лимон и 3/4 лажиче сол. Се додава 1/2 коцка путер и се меси со раце додека се добие хомогена смеса.
2. Постепено се додава водата (9 лажици ладна), повторно се меси и се прави кора во големина на калапот (претходно намастен).
3. Добиената смеса се става на дното на плехот, така што се подизвлекува од страните по рабовите, да биде како корпа во која ќе се додадат филовите.
4. Фил: во 700 мл млеко одвојуваме малку за да го помешаме со пудинзите од ванила, другото млеко го загреваме со 8 лажици шеќер и го додаваме постепено растворениот прашак за пудинг, па мешаме додека добиеме густ пудинг од ванила.
5. Боровинките ги гмечиме со виљушка, додаваме 2 лажици гриз (или брашно), 2 лажици шеќер и цимет, па мешаме.
6. Во оваа смеса, постепено додаваме половина од пудингот и промешуваме.
7. Кората ја печеме на 190 степени, 10-тина минути, па го додаваме филот со боровинки и враќаме во рерна да се пече уште 10 минути.
8. Ја вадиме питата од рерна и го додаваме преостанатиот пудинг од ванила, па оставаме убаво да се олади.
9. Со миксер се матат шлагот и 2 лажици шеќер со 200 мл млеко додека се добие цврста шлаг-пена. Се додаваат неколку зрна боровинки за да добие убава виолетова боја.
10. Пената се нанесува врз филот со пудинг, може да се декорира со неколку зрна боровинки.
11. Се остава во фрижидер да се стврдне, па се сече на парчиња.