Овој рецепт се подготвува за помалку од 50 минути

1. Измијте ги доматите и исечете ги капаците, а потоа внимателно издлабете ги и свртете ги на обратната страна да се исцедат.
2. Ситно исечканите млад кромид и лук пржете ги во свинска маст. Кога добро ќе се испржат, додајте ги печурките исечкани на листови и издлабената средина на доматите. Динстајте додека не испари вишокот течност, зачинете по вкус и посипете со сечкан магдонос.
3. Наредете ги издлабените домати во сад за печење. Наполнете ги со приготвениот фил и ставете ги капаците.
4. Полијте со малку стопена маст и додајте вода да се покрие дното. Печете во загреана рерна на 200 степени околу половина час.