За овој рецепт се потребни помалку од 60 минути

1. Прво се лупат компирите и се варат 10 минути само колку да омекнат. Се сечат на половина по должина и се издлабуваат со тоа што им се отстранува срцевината.
2. Во меѓувреме, меленото месо се пржи со босилек, црн пипер и малку лук на маслиново масло колку да се вцрвени, а потоа се додава томателото и се остава добро да се свари.
3. Во друг сад се мешаат павлаката, фета сирењето и малку оригано, сето тоа се меша додека да се добие хомогена смеса.
4. Половина од издлабените компири се полнат со смесата од месо, а другата половина со смесата од фета и павлака.
5. По полнењето компирите се печат во рерна на 180 степени, околу 30 минути или додека да заруменат.