За подготовка на овој рецепт се потребни помалку од 60 минути

1. Сланината исечете ја на коцки и ставете ја да се пропржи со исечканиот кромид, исечканата пиперка и парчињата модар патлиџан.
2. Лукот излупете го и истолчете го, а потоа додајте го во тавата со сланината, додајте сол, бибер, лебни трошки и исечкана китка магдонос. Гответе кратко, 3-5 минути со повремено мешање.
3. Пилешките копани исчистете ги од коските и наполнете ги со приготвениот фил, а потоа прицврстете ги со дрвени чепкалки.
4. Убаво втријте ја солта на полнетото месо, биберот и темјанот, попрскајте го со масло и печете во огноотпорен сад додека копаните не добијат убава боја и не станат крцкави.
5. Во друг сад на оган стопете го маргаринот и пропржете брашно и сечкан магдонос. По желба додајте уште темјан.
6. Пропржената смеса прелијте ја со зеленчукова супа и со слатката павлака и гответе додека супата не зоврие.
7. Прелијте ги печените копани со готовата супа и послужете ги со гарнир од зеленчук.