За подготовка на овој рецепт се потребни помалку од 80 минути

1. Полжавите ставете ги во тенџере на оган, прелијте ги со вода и варете ги околу половина час (употребете затворени, големи, лозјарски полжави на чија предна страна се наоѓа бела кожичка).
2. Откако полжавите ќе се сварат, исцедете ја водата, извадете ја кожичката и извадете ги од куќичката со чечкалица, игла или со некоја жичка.
3. Исечете ги главата и опашката, измијте ги и оставете ги да отстојат во оцет половина час.
4. Кромидот пропржете го на масло, додајте малку брашно и црвен пипер. Промешајте и уште малку пржете.
5. Потоа додајте вода, сол и ставете ги полжавите. Варете ги уште 10-тина минути.