За подготовка на овој рецепт се потребни помалку од 40 минути

1. Нелупениот компир сварете го, а морковите исечете ги на коси парчиња, па со путерот и 3-4 лажици вода динстајте 10-тина минути.
2. Во намастено тавче прво наредете ги морковите, па посипете ги со 3 лажици рендано сирење, 2 лажици ситно сечкан магдонос, компирот исечен на коцкички, сол, бибер и морско оревче.
3. Изматете ги јајцата и павлаката и зачинете ги со сол и бибер по желба.
4. Ставете го остатокот од сирењето, па сè прелијте преку зеленчукот. Печете го во загреана рерна на 200°C околу 30 минути.