За подготовка на овој рецепт се потребни помалку од 60 минути

1. Пиперките измијте ги, извадете им ги дршките и исчистете ги од семките, а лукот и магдоносот ситно исечкајте ги.
2. Во поголема шерпа посипете масло, околу 3 см во дебелина, и ставете го да се загрее добро. Пиперките спуштајте ги во врелото масло и кратко пржете ги од една страна, свртете од другата страна и пржете колку само да омекне, не треба да ја промени бојата.
3. Врелите пиперки редете ги во чисти, големи тегли, посолете ги, попрскајте ги со оцет и додајте ги измешаните лук и магдонос. На средината на теглата додајте по малку конзерванс. Постапката повторете ја додека не ги потрошите сите состојки. Добро притискајте ги пржените пиперки за да не остане воздух.
4. Оставете ги пржените пиперки да пуштат сок преку ноќ и по потреба додајте до врвот на теглите масло во кое се пржеа пиперките. Затворете ги теглите со целофан и оставете ги на ладно и суво место. Со оваа доза ќе добиете пиперки околу две тегли со средна величина.