За овој рецепт се потребни помалку од 40 минути

1. Во сад за месење се става брашното, потоа се додаваат печивото, една лажичка сол и една лажичка шеќер.
2. Се крши јајцето во брашното, па се додаваат млекото и јогуртот. Од сите состојки се замесува средно меко тесто.
3. Од тестото се расукува кора, потоа со чаша или со модла се вадат форми на полумесечинки.
4. Маслото се загрева во длабок сад за пржење, потоа приготвените полумесечинки се пржат додека заруменат.
5. Се вадат на кујнска хартија или врз салфета за да се исцедат од маснотијата, па се послужуваат со сирење или со јогурт.