За овој рецепт се потребни помалку од 30 минути

1. Исчистете ги и ситно исечкајте ги лукот и печурките. Потоа пржете ги на 2 лажици загреано масло на тивок оган околу 4-5 минути со постојано мешање.
2. Додајте сол и бибер, па меленото месо и ситно сечканиот магдонос. Оставете да се пржат неколку минути, па тргнете ги од оган.
3. Отстранете ја корката од лебот и секоја кришка исечете ја на два еднакви правоаголника. Половината парчиња леб премачкајте ги со смесата од месо, па прекријте ги со останатите парчиња така што ќе добиете сендвичи.
4. Изматете ги јајцата во еден сад. Извалкајте ги сендвичите во матените јајца, па во презлата и пржете ги во поголемо количество загреано масло додека не заруменат и станат крцкави.
5. Вадете ги врз салфета за да се исцедат од вишокот маснотија, посолете ги и сервирајте ги топли.