За овој рецепт се потребни помалку од 60 минути

1. Грашакот сварете го, исцедете го и оставете го да се олади.
2. Компирите исто така сварете ги во посебен сад, излупете ги и испасирајте ги.
3. Јајцата измешајте ги со испасираните компири, па додајте го и ренданиот пармезан, сол, сечкан магдонос, ситно сечканиот лук и грашакот. Добро измешајте ја смесата, со тоа што ќе внимавате да не се згмечи грашакот. Ако ви изгледа премногу мека смесата, додајте лебни трошки, така нема да ја изгуби формата при печењето.
4. Претурете ја смесата во плех врз намастена хартија за печење, па со дланките убаво распоредете го и натапкајте го на површината.
5. Одозгора врз смесата со компири додајте ги парчињата шунка, или пилешка салама, парчињата кашкавал и со помош на хартијата за печење свиткајте ролат.
6. За да ролатот ја задржи формата, ставете го во потесен, четвртаст, намастен, огноотпорен сад и печете го во веќе загреана рерна на 200 степени, околу 20-25 минути.