Овој рецепт се подготвува за помалку од 25 минути

1. Во длабок сад се става да зоврие литар вода со малку сол.
2. Листовите од блитвата се чистат од тврдите дршки, се мијат и се ставаат во зовриената вода.
3. По 5 минути се вадат со решетка и се ставаат во цедалка да се исцедат.
4. Откога ќе се исцедат, се сечкаат.
5. Во тавче на оган се става путерот да се стопи и да зоврие.
6. Во него се додава брашното и се промешува, па се остава да се испржи и да ја промени бојата во златножолта.
7. Потоа, се додава лукот и со постојано мешање се налева млекото.
8. Температурата на оганот се намалува.
9. Кога млекото ќе се згусти, се додава блитвата и уште кратко време се продолжува со мешање, сè додека не се добие смеса како пире.
10. Со супена лажица од салатата се вадат парчиња во облик на големи кнедли и се редат во круг во чинијата за сервирање.
11. Се остава убаво да се излади. Може да наросите и семки за декорација.