За овој рецепт се потребни помалку од 35 минути

1. Шпагетите ставете ги да се варат во солена, зовриена вода околу 7-10 минути. Исцедете ги и оставете ги во тенџере настрана.
2. Во меѓувреме, сланината исечкајте ја на ситни коцкички и пропржете ја во тенџере на оган со загреаното масло и со целото пиперче. Пржете со мешање на тивок оган околу 8-10 минути.
3. Откако месото убаво ќе се пропржи, додајте го виното, зголемете ја температурата на ринглата и варете додека виното испари. Тргнете го месото настрана во чинија, а пиперчето исчекајте го.
4. Во истото тенџере ставете ги доматите, претходно излупени и исечкани. Пожелно е да употребите позрели домати. Гответе го сосот од домати 10-тина минути. Зачинете со сол.
5. Во сосот од домати додајте ги коцките пржена сланина и сечканото пиперче, измешајте, па додајте ги сварените шпагети и сè заедно мешајте на тивок оган уште една минута.
6. Одозгора изрендајте го кашкавалот, добро измешајте ги тестенините и послужете ги веднаш.