За подготовка на овој рецепт се потребни помалку од 60 минути

ФИЛ:

1. Во тенџере ставете 200 грама млеко, 200 грама шеќер, афион, ванила, цимет и 1/2 рендана кора од еден лимон.
2. Измешајте ги состојките и ставете го тенџерето на оган да врие на тивко додека да згусне смесата, а потоа оставете настрана да се олади.

ТЕСТО:

1. Во сад растопете 1 квасец со 120 грама млако млеко, 1 кафена лажица шеќер и 1 кафена лажица брашно. Потоа оставете го садот настрана и покријте го со крпа да стаса.
2. Во меѓувреме во тенџере на оган растопете путер, додајте 400-450 грама брашно и другата половина од ренданата кора од лимон.
3. Во друг сад изматете 2 јајца со 4 лажици шеќер, додајте го садот со квасецот и млекото и сè тоа измешајте го во тенџерето со путер, па замесете тесто.

ПОДГОТОВКА:

1. Тестото поделете го на два дела.
2. Развлечете го на долго и ставете го во намастен плех, а потоа филувајте го со смесата од афионот и затворете го тестото во круг како ролат.
3. Оставете го филуваното тесто во плехот неколку минути да стаса, а одозгора попрскајте го со малку вода.
4. Печете во загреана рерна на 180 степени околу 30-40 минути.
5. Кога ќе се испече штрудлата, повторно попрскајте ја со малку вода одозгора и покријте ја.