За подготовка на овој рецепт се потребни помалку од 35 минути

1. Брашното измешајте го со квасецот, додајте 50 грама шеќер, 1 пакување ванилин шеќер и маргарин. Додајте 2 жолчки и малку млеко по потреба и замесете средно тврдо тесто. Добро изработете го со дланките, ставете го во пластична фолија и оставете го да отстои во фрижидер преку ноќ.
2. Кајсиите измијте ги и извадете им ги семките. Ставете ги во тенџере на оган, додајте 200 грама шеќер и гответе на тивок оган додека сокот не испари целосно. Тргнете од оган и оставете да се олади.
3. Во изладената смеса со кајсии додајте ги мелените бадеми.
4. Утредента тестото поделете го на два дела и секој дел расукајте го во правоаголна форма. Премачкајте го со добиениот фил и преклопете го во штрудла.
5. Штрудлата ставете ја во намастен плех, премачкајте ја со 1 изматена жолчка и печете во загреана рерна од 180°C, околу 25 минути.