За подготовка на овој рецепт се потребни помалку од 30 минути

1. Исчистените скуши посолете ги и исечете ги со нож по должина на стомакот. Наполнете ги со смеса од ситно сечкани магдонос и лук, игли рузмарин и темјан.
2. Наполнетите скуши засечете ги на неколку места со нож, попрскајте ги со масло и печете ги на скара од двете страни. Попрскајте по некое време повторно со масло доколку има потреба.
3. Во меѓувреме подгответе го сосот: во загреана тава со масло ставете ситно сечкан кромид да се пропржи заедно со лукот.
4. Откако малку ќе омекнат, додајте ја ситно сечканата сардина, малку рузмарин, малку темјан, сув домат, малку ситно сечкан магдонос, бибер и исцеден сок од половина лимон.
5. Испечените скуши ставете ги на чинија врз листови марула, прелијте ја со пикантниот сос и декорирајте со кришки лимон.