Овој рецепт се подготвува за помалку од 60 минути

1. Се матат 4 белки со 8 лажици шеќер, се додаваат 6 лажици брашно и малку прашок за печиво, се пече на 200 степени околу 15 минути.
2. Испечената кора, додека е топла, се прелива со 150 мл топло млеко, па се остава да се излади.
3. За филот се варат 4 жолчки со 6 лажици шеќер и со 6 лажици брашно во 500 мл млеко додека згуснат. Се остава кремот да се излади, а потоа се додаваат 200 г изматен путер.
4. Врз готовиот пандишпан прво се распоредуваат измиените и на половинки исечкани јагоди (може и друго овошје по желба), потоа се истура целиот крем.
5. Се матат шлаг-пените и со нив се премачкува целата торта, се декорира по желба, па се става во замрзнувач.