За овој рецепт се потребни помалку од 60 минути

1. Со миксер пенасто изматете го маргаринот, додајте 200 грама шеќер во прав, ванилиниот шеќер, 2 јајца и 3 жолчки. Мешајте за да добиете изедначена смеса.
2. Во посебен сад изматете 3 белки со миксер во цврст снег.
3. Во садот со маргаринот додајте го брашното измешано со печивото и излупените и исечкани бадеми, а потоа додајте го и снегот од матени белки. Сето тоа добро промешајте го.
4. Дното од садот за печење торти намастете го и набрашнете го со малку брашно, а потоа врз него нанесете тенок слој од тестото.
5. Печете го во средно накај висока температура во рерна околу 3-5 минути, така што тестото малку ќе пожолте.
6. Извадете го од рерна, намачкајте го со нов слој од тестото и повторно печете. На тој начин, по слоеви, испечете го целото тесто.
7. За време на печењето уклучете ги горните грејачи во рерната за да не се изгори долниот слој од тортата.
8. Оладената торта намачкајте ја со тенок слој мармалад и потоа прелијте ја со глазурата од лимон, а врз глазурата украсете со чоколаден прелив и со влажен нож повлечете неколку паралелни линии од еден до друг крај за декорација.

*Глазура од лимон: добро измешајте 200 грама шеќер во прав со сокот од лимон и 1 белка. Ако е потребно, додајте уште неколку капки врела вода.