За овој рецепт се потребни помалку од 60 минути

1. Квасецот се меша со малку млеко, шеќер и брашно и се остава да стаса 10 минути.
2. Потоа од сите останати состојки се замесува тесто. Откако ќе се замеси тестото, се остава да се одмори околу 20 минути, а потоа се размесува на 4 топчиња.
3. Секое топче се расукува во кора со дебелина од 1 см и врз него се редат сечкани зелени маслинки или цели по желба (без семки со црвена пиперка). Се прекрива со другото расукано тесто и убаво се спојуваат.
4. Тестото се сече на соленки и се префрлуваат во подмачкан плех. Постапката се повторува со преостанатите 2 топчиња.
5. Соленките се премачкуваат со јајце и се печат на температура од 180 степени, 15-20 минути.