За подготовка на овој рецепт се потребни помалку од 60 минути

1. Во тава за пржење ставаме масло и го додаваме кромидот малку да се пропржи. Ги додаваме исечканиот домат и исечканите маслинки, добро промешуваме и подоцна го додаваме и доматното пире, оцетот и шеќерот.
2. Свинските ребра ги посолуваме, ги наросуваме со мелен црн пипер и ги толчиме со дрвен чук. Потоа ги ставаме на скара да се печат од двете страни. Кога ќе бидат готови тргнете ги настрана во тенџере со капак.
3. Во друго тенџере со вода на оган ја ставаме говедската коцка за супа да се вари.
4. Ситно сечкаме лук и го додаваме во тавата со зеленчукот. Содржината во тавата ја посолуваме и ја наросуваме со мелен црн пипер, а потоа додаваме дел од сварената супа и промешуваме.
5. Густинот го размешуваме со вода и додаваме црвен пипер, а потоа ги додаваме во тавата. Ја додаваме и преостанатата супа и повторно промешуваме.
6. Потоа содржината од тавата со црпалка низ цедалка ја претураме во подлабок голем сад; исцедениот зеленчук го ставаме во блендер, го пасираме и смесата ја додаваме во големиот длабок сад и промешуваме со црпалката.
7. Смесата ја ставаме во керамичка тава и ги ставаме печените ребра, ги прелеваме со преостанатата смеса од садот, ги наросуваме со пармезан, а одзгора додаваме парчиња маслинки. Печеме 15 минути на 225°C.
8. Претходно обарениот карфиол го ставаме во тава на оган да се пржи, додаваме бибер и промешуваме кратко колку да омекне. Го тргаме настрана и ја ставаме златната мешавина да се пропржи, а потоа заедно со карфиолот ги тргаме во чинија со капак настрана и додаваме зачини по желба.
9. Ја вадиме тавата од рерна. На чинија за сервирање ставаме од сосот во тавата, а потоа како гарнир мешаниот зеленчук и карфиолот, па на крај свинските ребра. Одозгора ги преливаме готовите свински ребра со сосот во кој се подготвуваа и украсуваме со гранчиња магдонос по желба.