За овој рецепт се потребни помалку од 50 минути

1. Загрејте ја рерната на 180°C. Намастете кружна длабока тава со растопен путер или со масло.
2. Ставете 185 грама путер, ванилиниот шеќер, шеќерот и јајцата во миксер. Матете ги една минута или додека да добиете кремаста смеса.
3. Јаболките излупете ги и исечкајте ги, па додајте ги на смесата заедно со бадемите и циметот. Продолжете да матите во миксерот уште 15 секунди.
4. Потоа додајте ги брашното и млекото, па продолжете со матењето уште 20 секунди, или сè додека не се иситнат јаболките и бадемите, а смесата да стане хомогена.
5. Префрлете ја смесата во подготвената тава и израмнете ја површината. Печете ја тортата 40 минути, а потоа оставете ја 5 минути да отстои пред да ја извадите од тавата.
6. Во меѓувреме подгответе глазура: во сад ставете го шеќерот во прав, лажичка ситно изрендана кора од лимон, 10 грама несолен путер и 1-2 лажици свежо исцеден сок од лимон. Додајте вода онолку колку што е потребно за да се добие цврста смеса.
7. Садот со состојките за глазурата ставете го врз поголем сад со зовриена вода и мешајте ја смесата додека да стане хомогена. Премачкајте ја тортата со подготвената глазура.