За овој рецепт се потребни помалку од 45 минути

1. Во тава со малку масло испржете ги ситно сечканите кромид и праз. Откако ќе омекнат, додајте ги печурките исечкани на листови.
2. Тиквичките изрендајте ги и додајте ги во тавата заедно со зачините. Динстајте на умерен оган додека испари вишокот на течност. Оставете да се излади и измешајте сечкан магдонос.
3. Корите исечете ги на половина и секоја попрскајте ја со малку масло и газирана вода. Потоа превиткајте по должина за да добиете лента. На еден крај ставете лажица од филот и превиткајте ја кората. Продолжете со виткање додека стигнете до крајот на лентата.
4. Питите наредете ги на плех и премачкајте ги со мешавина од вода и масло. Посипете ленено семе и печете на 200 степени околу 30 минути.