За овој рецепт се потребни помалку од 50 минути

1. Во тава се пропржува една главица сечкан кромид додека убаво омекне.
2. Во сад се мешаат меленото месо, 2 парчиња леб потопени во млеко, 1 јајце, пржениот кромид, сол и бибер.
3. Со рака се замесува целата смеса, па се формираат ќофтиња кои се пржат во тавата со масло од двете страни. Се тргаат во чинија настрана и се покриваат со капак.
4. Се пржи посебно друга главица кромид во тенџере, се додаваат сечкани моркови и пиперките, се пропржуваат, па се додава 2 дл вода. Се покрива со капак и откога ќе зоврие, се додаваат грашакот и карфиолот.
5. Зеленчукот се вари додека омекне, па потоа се додаваат доматите, се посолува и се претура во земјена тава, а врз зеленчукот пржените ќофтиња.
6. Сето заедно се потпекува во рерна на 200 степени, околу 20 минути.