За подготовка на овој рецепт се потребни помалку од 60 минути

1. Со миксер изматете 5 јајца со 5 лажици шеќер. Матете додека шеќерот не се растопи, а потоа додајте го брашното и 6 лажици мелени ореви, повторно промешајте и ставете го во тава обложена со хартија да се пече 15-тина минути на температура од 200°C.
2. Во сад со млеко додајте 2 лажици шеќер и ставете на оган. Кога ќе зоврие, додајте ги преостанатите мелени ореви, 4 лажици шеќер и промешајте.
3. Во меѓувреме, стопете го чоколадото во тенџере со малку млеко. Кога ќе се стопи чоколадото, додајте го филот од шеќер, мелени ореви и млеко и мешајте додека двете смеси не се соединат.
4. Изматете ги со миксер преостанатите жолчки од јајце со 4 лажици шеќер. Матете додека шеќерот не се растопи, а потоа додајте ги во тенџерето со смесата од чоколадо. Сè убаво промешајте и доколку филот ја нема потребната густина, додајте уште малку мелени ореви.
5. Путерот изматете го со миксер и постепено додавајте го шеќерот во прав. Продолжете со матење додека путерот не стане пенест. Потоа додајте го претходно подготвениот фил, измешајте и изрендајте кора од 1 портокал. Целата смеса убаво изматете ја со мискер за да се соедини.
6. Испечениот пандишпан извадете го од рерната, со нож одлепете ги краевите од пандишпанот од тавата и потоа превртете го врз работната маса и отстранете ја хартијата за печење. Ставете го врз чинија за торта, боцнете го со чепкалка или вилушка и полејте го со сок од 1 портокал. Потоа, со претходно подготвената смеса, филувајте го пандишпанот на чинијата.
7. Преостанатиот шеќер ставете го во тенџере на оган и додајте вода за да сварите густ шербет, погуст отколку за слатко. Потоа, во сад за матење изматете 4 белки, ставете од густиот шербет и непрекинато матете со миксер.
8. Така подготвениот шлаг, нанесете го врз тортата и размачкајте го со нож. Со преостанатиот шлаг наполнете готварски шприц и декорирајте ја васината торта. Одозгора изрендајте црна чоколада и послужете.