За подготовка на овој рецепт се потребни помалку од 50 минути

1. Пресечете ги патлиџаните на половина по должина, засечете ги неколку пати по дијагонала и со лажица извадете ја средината и исечкајте ја на коцки.
2. На масло пржете ги ситно сечканите кромид и праз. Додајте пиперка исечкана на коцки и лук.
3. Динстајте кратко, а потоа додајте ги коцките од модар патлиџан и зачинете по вкус.
4. Исечете ги печурките на листови, додајте го останатиот зеленчук и динстајте уште неколку минути. На крај, додајте ги половинките од шери доматите и посипете до сечкан магдонос.
5. Издлабените половинки од патлиџаните ставете ги во тепсија за печење, наполнете ги со приготвениот фил и полијте со малку масло и вода.
6. Печете 30 минути на 200 степени додека омекне зеленчукот, а потоа послужете го јадењето топло.