За овој рецепт се потребни помалку од 60 минути + 4 часа во фрижидер

Пандишпан:

1. Измешајте ги мелените бисквити со растопениот путер додека бисквитите убаво впијат од течноста. Со прстите притиснете ја смесата во кружен калап со пречник од 22-24 см и убаво натапкајте ја на површината. Оставете да отстои во фрижидер додека го подготвувате филот.

Фил:

1. Млекото со желатинот во прав ставете го во мало тенџере и оставете го да отстои 2 миинути.
2. Потоа тенџерето ставете го на рингла на тивок оган и гответе со постојано мешање додека желатинот се растопи.
3. Тргнете од оган и оставете ја смесата да се подолади.
4. Во меѓувреме изматете го со миксер крем сирењето. Додајте ги павлаката, шеќерот и ванилата и повторно добро изматете; постепено додавајте ја оладената смеса со желатинот.
5. Кафето измешајте го со 1 и пол лажица врела вода додека се соедини. Потоа постепено додавајте го и кафето во смесата со крем сирењето и матете уште кратко.

Финална постапка:

1. Со лажица премачкајте го филот врз пандишпанот и убаво израмнете. Покријте со фолија и оставете го колачот да отстои 4 часа во фрижидер.
2. Потоа изматете шлаг и декорирајте го одозгора колачот, посипете со цимет, исечете го на парчиња и послужете го. Чувајте го во фрижидер.