За подготовка на овој рецепт се потребни помалку од 40 минути

1. Празот исчистете го и добро измијте го, а потоа исцедете го и ситно исечкајте го.
2. Во тенџере со загреан путер додајте го брашното и пропржете го со постојано мешање додека малку не потемне. Потоа додајте го сечканиот праз, промешајте и прелијте го со млака вода или супа од коцка (колку да го покрие празот).
3. Тенџерето поклопете го и динстајте го празот додека не омекне, со постојано мешање.
4. Кога ќе омекне празот, додајте уште малку вода, зачинете со сол и бибер и оставете да се вари уште некое време.
5. Изматете ја жолчката со киселата павлака, додајте ситно сечкан магдонос и пред крај посипете врз чорбата. Измешајте за сè убаво да се соедини, варете уште кратко, па послужете ја чорбата топла.