Овој рецепт се подготвува за помалку од 1 час

1. Испечете ги пиперките, па излупете ја лушпата и исчистете ги од семките. Потоа изладете ги, ставете ги во цедило да се исцедат и продолжете со работа за час или два.
2. Во меѓувреме испечете ги и доматите, излупете ги и исцедете ги. Исцедените пиперки и домати сомелете ги на апарат за мелење месо, па добиената смеса преместете ја во голем лонец и почнете да ги варите.
3. Смесата мешајте ја што повеќе, а при варењето додавајте масло, по 1 децилитар на секои 20 минути (имајте на ум дека маслото не смее да избие на површина). Дваесетина минути пред крајот на варењето додајте сол и шеќер.
4. За да знаете дека ајварот е готов, со голема лажица поминете на дното, доколку таа со себе остава трага со која можете да го видите дното на тенџерето, тогаш знаете дека ајварот е готов.
5. Подгответе ги теглите додека ајварот се вари. Загрејте ги во печка на 50 °C, а наполнете ги со ајварот откако ќе го тргнете од оган.
6. Кога ќе ги наполните, на врвот на секоја тегла налијте малку масло и добро затворете ги со капаче. Држете ги на мрачно место, прекриени со крпа.