За подготовка на овој рецепт се потребни помалку од 40 минути

1. Ставете ја водата во мало тенџере на оган и кога ќе зоврие додајте го маргаринот и малку сол.
2. Кога ќе се растопи маргаринот, додајте 80 грама брашно, промешајте кратко, тргнете веднаш настрана и додајте 1 јајце. Убаво измешајте додека не добиете хомогена смеса. Оставете да отстои 10тина минути колку да се олади тестото, а потоа додајте го другото јајце и повторно промешајте со лажица.
3. Со готварски шприц формирајте еклери (употребете го најголемиот отвор на шприцот), наредете ги во плех обложен со хартија за печење и печете 20 минути на 225°C. Во текот на печењето еклерите ќе го зголемат својот волумен, па затоа оставете простор меѓу нив.
4. Во меѓувреме се подготвува филот: 2 жолчки од јајце се матат со 30 грама брашно, а потоа се додава 1 лажица шеќер и 3 лажици млеко. Смесата се става во тенџере на оган и кога ќе зоврие се трга настрана. Кога ќе се изладат еклерите, им се додава смесата така што се сечат хоризонтално со остар нож од едната страна и со лажица се полнат со приготвениот фил.
5. На крај подгответе го чоколадниот прелив: растопете ги на пареа чоколадото и маргаринот. Ако немате соодветен сад за готвење на пареа, можете да ги растопите на тивок оган, притоа постојано мешајќи. Секој еклер прелијте го со смесата од чоколадо и послужете.