За овој рецепт се потребни помалку од 50 минути

1. Наутот се остава потопен во вода од вечер и така се остава да стои до утредента.
2. Откако наутот ќе омекне, се меле, може на машина за мелење месо или на машинка за мелење ореви.
3. Во смесата од наут се додава солта, дел од сечканиот лук, ситно сечканиот магдонос, мешаниот сув зачин и се меша.
4. Од оваа смеса се прават мали ќофтиња кои се пржат во загреано масло додека убаво заруменат.
5. Откако ќофтињата убаво ќе се испржат, се ставаат врз хартиена салфетка за да се исцедат од вишокот маснотија.
6. Во меѓувреме, се прави преливот: во павлаката се додаваат мајонезот, сечканите кисели краставички, преостанатиот сечкан лук и сечканиот магдонос. Количината на лук и магдонос што ќе ја ставите е по вкус. Се меша.
7. Јадењето се послужува така што на тортиља (може домашни или готови) се става еден лист марула, малку морков исечкан на стапчиња, се премачкува од преливот, па се ставаат по две ќофтиња и се виткаат тортиљите во фишек.