За овој рецепт се потребни помалку од 40 минути

1. Ситно исечкајте го кромидот и пропржете го на малку масло за да омекне. Додајте ги целерот, морковот и магдоносот, па пропржете ги кратко со кромидот.
2. Џигерите додајте ги во тавата со зеленчукот. Пржете ги додека да заруменат, па полијте ги со бело вино и додајте го концентратот од домати (претходно растворен во половина чаша топла вода). Зачинете со сол и бибер и варете 30 минути на тивок оган.
3. Потоа исечкајте ги џигерите или сè заедно сомелете со рачен блендер. Вратете го сосот и додајте ги ситно исечканите маслинки и путерот, па промешајте.
4. Парчињата леб потпечете ги од двете страни и премачкајте ги со смесата. Гарнирајте ги по желба со тенко исечкана сланина, коцки црвени пиперки и исечкани маслинки.